2025-nji ýylyň fewral aýy dünýäde üçünji iň ýyly fewral boldy. Ýewropanyň klimat gullugy Copernicus-yň maglumatlaryna görä, geçen aý howanyň ortaça temperaturasy 13,36°C boldy we bu 1991-2020-nji ýyllarda fewral aýynyň ortaça derejesinden 0,63°C ýokarydyr.
Mundan başga-da, bu görkeziji industrialdan öňki derejäni kesgitlemek üçin ulanylýan 1850-1900-nji ýyllardaky ortaça görkezijiden 1,59°C ýokarydyr. Bu soňky 20 aýda global temperaturanyň industrialdan öňki derejeden 1,5°C-dan hem ýokarydygyny görkezen 19-njy aý boldy.
2025-nji ýylyň boreal gyşynyň (2024-nji ýylyň dekabry – 2025-nji ýylyň fewraly) ortaça temperaturasy gözegçiligiň tutuş taryhynda ikinji görkeziji boldy. Ol 1991-2020-nji ýyllardaky ortaça görkezijiden 0,71°C ýokary, ýöne 2024-nji ýylyň gyşynyň rekordyndan 0,05°C pes boldy.
Ýyllyk görkeziji (2024-nji ýylyň marty – 2025-nji ýylyň fewraly) hem 1991-2020-nji ýyllaryň ortaça temperaturasyndan 0,71°C ýokary we industrialdan öňki derejeden 1,59°C ýokary boldy.
