“Bembi: Ar” (Bambi: The Reckoning) horrorynyň ilkinji treýleri çykdy. Film “Winni-Puh: Gan we bal” filminden başlanan “Ýoýlan çagalygyň älemi” (The Twisted Childhood Universe) kinofranşizasynyň bir bölegi bolar.
Taslama meşhur çagalar hekaýalaryny düýbünden başgaça görkezýän elhençlik filmleriniň tapgyryny dowam etdirýär. Bu gezek döredijiler Disney-iň nusgawy multfilmlerinden sugun çagasyny “ýoýmak” kararyna geldi.
Film tokaýda ýaşaýan sugun Bembi barada gürrüň berer, ol pajygaly wakadan soň rehimsiz wagşy jandara öwrülýär.
Režissýor Skott Jeffri boldy. “Winni-Puh: Gan we bal” filmini dörediji Ris Freýk-Uoterfild bu gezek prodýuser bolup çykyş etdi.
Film tomusda çykar, ýöne takyk sene heniz belli däl.
