Arhangelskdäki Demirgazyk Arktika Federal uniwersitetiniň (SAFU) aspiranty, özbegistanly Ismoil Sodikow gowaça çöpünden kagyz öndürmegiň tehnologiýasyny işläp taýýarlady. Barlagy üçin çig maly ol watanyndan getirdi diýip, ýokary okuw mekdebiniň metbugat gullugyna salgylanýan TASS habar berýär.
Sodikow sellýulozanyň islendik süýümli çig maldan öndürilip bilinjekdigini düşündirdi.
“Men öz ýurdumda gowaça çöpünden iri zawodlaryň gurulmagyny talap etmeýän kagyz önümçiligini ösdürmek we karton üçin çig mal öndürmekde wagtal-wagtal gaýnatmak tehnologiýasyny ulanmak pikirine geldim. Biziň ýurdumyzda sellýuloza-kagyz senagaty Arhangelskdäki we umuman Russiýadaky ýaly görnüşde bolup bilmez, sebäbi bizde tokaý ýok, ýöne gowaçanyň çig mal gymmatlygy hem agajyň köp görnüşleriniňkiden kem däl. Gowaça çöpünden süýümli ýarym taýýar önümleri almak we ýurduň kagyz zerurlygyny bölekleýin ýapmak arkaly kagyz öndürip bolýar "- diýip, uniwersitet Sodikowyň sözlerini getirýär.
Gowaça çöpünden kagyz ýasamak, köplenç, ekin meýdanlarynda galýan ösümlik materialyny gaýtadan işlemek meselesini çözmäge kömek edýär. Gowaça çöpi ýa-da çaňňalak mallary ýylatmak ýa-da iýmitlendirmek üçin ulanylýar. Täze usul ony karton we kagyz üçin çig mal görnüşinde gaýtadan işlenmäge mümkinçilik berer.
