2025-nji ýylyň ýanwar aýynda Özbegistan merkezi banklaryň arasynda iň uly altyn satyn alyjysy boldy. Bütindünýä altyn geňeşiniň maglumatlaryna görä, ýurduň Merkezi banky 8,1 tonna altyn satyn aldy.
Netijede, ýurduň altyn ätiýaçlyklary tas 391 tonna çenli ýokarlandy, bu bolsa umumy ätiýaçlyklaryň 82%-ine deňdir.
Şeýle-de, ýanwar aýynda öňdebaryjylaryň üçlügine Hytaý we Gazagystan girdi, olar öz ätiýaçlyklaryny, degişlilikde, 5 we 3,8 tonna artdyrdy. Altyn ätiýaçlygyny işjeň artdyran beýleki ýurtlaryň arasynda Polşa (3,1 tonna), Hindistan (2,8 tonna), Çehiýa (1,7 tonna) we Katar (1,3 tonna) hem bar.
Şol bir wagtyň özünde, ýanwar aýynda öz altyn ätiýaçlyklaryny Russiýa (3,1 tonna), Iordaniýa (3 tonna) we Gyrgyzystan (1,9 tonna) azaltdy.
Altynyň gymmatlamagy netijesinde, Özbegistanyň halkara aktiwleri 1,72 mlrd dollar ýokarlanyp, 35 mlrd dollardan geçdi. Geçen ýyl ýurt 12 tonna altyn satyp, satuw boýunça lider boldy.
Altyn, adatça, ykdysady durnuksyzlyk şertlerinde ygtybarly aktiw hasaplanýar. Ätiýaçlykda onuň paýynyň artdyrylmagy walýuta hümmetiniň üýtgemegi bilen baglanyşykly töwekgelçilikleri azaltmaga kömek edýär.
