Kianu Riwz muşdaklaryna Jon Uik gahrymanynyň baş keşpde filmlerde ýa-da onuň franşizanyň beýleki filmlerinde peýda bolmagyna garaşyp oturmazlygy aýtdy. Extra neşiri bilen söhbetdeşliginde ol gahryman Jon Uigiň indi ekranda görünmejekdigini mälim etdi.
“Uikiň” äleminiň geljegi barada soralanda, Riwz: "Wakalary Jon Uigiň dünýäsinde bolup geçýän “Baletçi gyz” atly wersiýa bar ahyryn, onda Uik sähel wagtlyk görünýär. Başga bu barada bilýän zadym ýokdur" diýip, ol aýtdy.
Riwz gahrymanyň gaýdyp geljegine bolan umydy dargatdy we muşdaklardan boş umytlara aldanmazlygy haýyş etdi.
Aktýor: "Gahryman öldi. Ol “Jon Uik 4-de” ýogaldy. Golliwudda edip biljekdigiňizi bilýän ... Hawa, dogry, bu Golliwudyň wakasy. Ýöne bu gezek däl " - diýip ol aýtdy.
Muňa garamazdan, Jon Uigiň älemi ýaýbaňlanmagyny dowam etdirýär. 6-njy iýunda Ana de Armasyň baş keşbi janlandyrmagynda “Baletçi gyz” atly spin-off-y dünýä prokatyna çykar.
Şol bir wagtda Kianu Riwz 2005-nji ýylda surata düşürilen “Konstantin” filminiň sikwelindäki Jon Konstantiniň keşbine gaýdyp barmaga taýynlanýar. DC studiýasy dowamy üçin edebi esasa garaşýar.
