Volkswagen Rio-de-Žaneýro şäherinde başlangyç derejedäki «Tera» krossowerini hödürledi. Täze modeliň bahasy 17 müň bilen 24 müň dollar aralygynda bolup, ol Braziliýada «Fiat Pulse» we «Nissan Kicks» bilen bäsleşmek üçin işlenip düzüldi.
Bu model Braziliýanyň Taubate şäherinde dolulygyna noldan öndürilip, şol ýerde hem önümçilige goýberiler diýip, «Motor1» neşiri belleýär.
Ölçegleri boýunça ulag «Polo» modeline golaý: uzynlygy – 4074 mm, teker bazasy – 2566 mm.
Dizaýny üçin «Tiguan» we «Taos» modellerinden ylham alnan. Model LED fara, yzky fonarlar, gapdaldaky howa girişleri we 17 dýuýmlyk sport tekerleri bilen üpjün edilen. Salony bolsa ID. elektrik ulaglarynyň stiline meňzeýär – onda sanly gurallar paneli we multimediýa ekrany bar. «Tera» modeli VW Play Connect ulgamyna, simsiz zarýad beriş funksiýasyna we panel yşyklandyryşyna eýe bolar.
Häzirki wagtda hereketlendiriji ulgamy barada maglumat ýok.
