Louis Vuitton ýaponiýaly hudožnik Takasi Murakami bilen hyzmatdaşlykda döredilen täze kolleksiýasynyň mahabat kampaniýasyna başlady. Taslamanyň ýüzi aktrisa Zendeýa boldy diýip, Hypebae habar berýär.
Kolleksiýada 200-den gowrak predmet: ýantorbalar, ýüpek şarflar, Günden goraýjy äýnekler, krossowkalar, atyr we hatda skeýtbord hem bar. Dizaýnyň esasy aýratynlygy Murakaminiň stilini görkezýän ýylgyrýan sakura gülleri boldy.
Kolleksiýanyň çykjak senesi häzirlikçe belli däl.
Moda öýi ýaponiýaly hudožnigiň Zendeýa döredijilik hyzmatdaşlygyny teklip edip, hat ugradýan wideosyny hem hödürledi.
Louis Vuitton bilen Murakaminiň hyzmatdaşlygy 2002-nji ýylda başlady. Şol wagt kompaniýanyň döredijilik müdiri Mark Jeýkobsdy. Şonda brend ilkinji gezek nepisligi pop-art bilen birleşdirdi, netijede bu moda hadysasyna öwrüldi.
Zendeýa bilen täze kampaniýa hem sungat bilen modany birleşdirip, bu däbi dowam etdirýär.
