Alymlar mör-möjekleriň we ösümlikleriň özüni alyp barşyny dolandyrýan wirusy ýüze çykardylar

  • 04.03.2025 10:50
  • 1.8k+

Hytaýly we ABŞ-ly mikrobiologlar pomidor sary mozaika wirusynyň (TYLCV) ýokuşan ösümlikleriniň hem, keseli ýaýradyjy mör-möjekleriň hem hereketini üýtgedýändigini anykladylar.

Science Advances žurnalynda çap edilen ylmy barlag wirusyň pomidordan beta-mirsen atly bir maddanyň bölünip çykarmagyna sebäp bolýandygy görkezýär. Olar kesel ýokuşmadyk ak ganat çirkeýleri özüne çekýärler. Mör-möjekleriň bedenine aralaşmak bilen, wirus olaryň bu birleşmäniň ysyny saýgarmak ukybyny öçürýär, netijede olar ýokançlygy sagdyn ösümliklere geçirýärler.
Bu barlaga Hytaýyň Pekindäki Hytaý Ylymlar akademiýasynyň Güller we gök önümler institutynyň professory Çžan Ýuszýun ýolbaşçylyk etdi. Alymyň sözlerine görä, bu patogen pomidoryň, burçuň, kösüklileriň we käbir beýleki ösümlikleriň köpçülikleýin weýran bolmagyna sebäp bolýan ýeri bolan Aziýanyň tropiki we subtropiki ýurtlarynda giňden ýaýrandyr. Adatça, TYLCV-iň fermalarda peýda bolmagy hasylyň 90-100% ýitmegine getirýär.
Bemisia tabaci ak ganatlyjalary ösümlikleriň suwy bilen iýmitlenip, wirusy ýokuşdyrýar. Alymlar TYLCV-iň pomidorda TPS3 we TPS7 genlerini işjeňleşdirip, beta-mirseniň önmegini ýokarlandyrýandygyny anykladylar. Kesel ýokuşmadyk ak ganatlyjalar keselli ösümliklere baryp gonýar we ýokuşandan soň, keselli pomidorlary zaýalap başlaýar.
Bu manipulýasiýa TYLCV-iň Aziýada ösümlikleriň arasynda çalt ýaýraýandygyny aňladýar we ony oba hojalygy üçin howply patogena öwürýär.
Soňky iki onýyllygyň dowamynda biologlar parazitleriň öz eýeleriniň özüni alyp barşyny dolandyrmagy we hatda hereketlerine gönüden-göni gözegçilik etmegi öwrenendikleriniň köp mysallaryny tapdylar. Tropiki garynjalary “zombä” öwürýän Ophiocordyceps urugynyň kömelekleri munuň aýdyň mysalydyr. Şuňa meňzeş ukyplar arylaryň özüni alyp barşyny dolandyrýan küýki çirkeýlerde, kebelek gurçuklaryny agaçlaryň depesine çykmaga mejbur edýän dürli bakulowiruslarda hem bar.


düýn 20:33
7.3k+

Pomidor bilen ýeralma kowumdaş bolup çykdy: olar baryp 9 mln ýyl ozal sapylypdyr

Ýeralma bilen pomidoryň genetiki gelip çykyşy umumy bolup, olary sapylmagy, takmynan, 9 million ýyl ozal bolup geçipdir. Bu barada Xinhua agentligi halkara alymlar topary tarapyndan geçirilen gözlegiň netijelerine salgylanyp habar berýär...

düýn 19:27
3.6k+

Hytaýda baryp II asyrda oýlanyp tapylan dünýäde ilkinji seýsmograf dikeldildi

Hytaýda Betbagtçylyklaryň öňüni alyş institutyndan Sýuý Goudunyň ýolbaşçylygyndaky alymlar topary dünýäde ilkinji seýsmograf hasaplanýan gadymy enjamy dikeltdi. Bu barada Progress in Geophysics žurnalyna salgylanýan South China Morning Post ýazýar...

düýn 18:12
1.8k+

Russiýaly alymlar ýalany 92% takyklyk bilen kesgitlemek üçin algoritm döretdiler

Russiýaly alymlar sözdäki ýalany 92% takyklyk bilen kesgitlemegiň usulyny tapandyklaryny habar berdiler. Bu barada Nižniý Nowgoroddaky “Ýokary ykdysadyýet mekdebi” ylmy-barlag uniwersitetiniň (НИУ ВШЭ) barlagçylaryna salgylanýan TASS habar berýär...

düýn 18:05
4.4k+

Marsda uzynlygy 16 000 km bolan gadymy derýalaryň yzlary tapyldy

Marsda umumy uzynlygy, takmynan, 10 müň mil (16 000 km töweregi) bolan gadymy suw ýollarynyň geologiki yzlary tapyldy. Tapylan çeşmeleriň ýaşynyň 3 milliard ýyldan geçýändigi çaklanylýar diýip, Marsdaky orbital apparatlardan alnan maglumatlara salgylanýan The Guardian habar berýär ...