Tehniki enjamlary bejerýän REWA Technology kompaniýasynyň hünärmenleri täze iPhone 16e-ni söküp, bu smartfonyň Apple-yň beýleki modellerinden käbir tapawutly aýratynlyklarynyň bardygyny ýüze çykardylar.
iPhone 16e-niň içindäki bölekleriň ýerleşişi, umuman, soňky esasy iPhone modelleriniňkä meňzeýär.
Ilki bilen iPhone 16e-niň batareýasynyň ululygy garaşylandan has uly bolup çykdy – 4005 mA sag·sygymly. Deňeşdirsek, iPhone 16-da 3561 mA sag·sygymly batareýa ulanylypdy. Ikinjiden, batareýa elektrik arkaly işjeňleşýän ýörite ýelim bilen berkidilipdir. Şuňa meňzeş tehnologiýa ilkinji gezek iPhone 16 modelinde peýda bolupdy.
Mundan başga-da iPhone 16e-de diňe bir sany esasy kamera bar. Kameranyň sensorynyň çözgüdi iPhone 15-iňki bilen deň (48 MP), ýöne kameranyň moduly fiziki taýdan birneme kiçiräk. Munuň sebäbi, ähtimal, matrisanyň süýşmegine esaslanýan stabilizasiýanyň ýerine, has ýönekeý optiki stabilizasiýanyň ulanylmagy bilen baglanyşyklydyr.
Umuman alanyňda, iPhone 16e-niň içki gurluşy soňky esasy iPhone modelleriniňkä meňzeýär. REWA Technology-niň hünärmenleri täze smartfony abatlamagyň aňsatdygyny we munuň bu modeliň esasy artykmaçlygydygyny belläp geçdiler.
