BAE-de türkmen tennisçileriniň Dubaýda ATP 500 ýaryşyna gatnaşmagy maslahatlaşyldy

  • 03.03.2025 16:17
  • 6.4k+
BAE-de türkmen tennisçileriniň Dubaýda ATP 500 ýaryşyna gatnaşmagy maslahatlaşyldy

Dubaýda Türkmenistanyň Tennis federasiýasynyň (TTF) başlygy, Aziýanyň tennis federasiýasynyň (ATF) wise-prezidenti Eziz Döwletow bilen Birleşen Arap Emirlikleriniň Tennis federasiýasynyň baş sekretary Naser Ýusup Al Marzukiniň duşuşygy geçirildi. Bu barada "Türkmenistan: Altyn asyr" elektron neşiri habar berýär.

Türkmen türgenleriniň indiki ýylda geçiriljek ATP 500 Dubai Duty Free Tennis Championship ýaryşyna gatnaşmak mümkinçiligi - duşuşygyň esasy temasy boldy.
Şu ýyl bu ýaryşyň ýeňijisi finalda kanadaly Feliks Ože-Aliassimi ýeňen gresiýaly tennisçi Stefanos Sisipas boldy.
E.Döwletow bilen Al Marzuki öz ýurtlarynda tennis sportynyň ösüşi, bilelikdäki türgenleşik ýygnanyşyklarynyň geçirilmegi, sport psihologlarynyň taýýarlanylmagy hem-de çalt depginde ösýän padel-tennis boýunça mümkinçilikler baradaky meseleleri hem ara alyp maslahatlaşdylar.
BAE-niň Tennis federasiýasynyň baş sekretary “Ashgabat Open 2024” ýaryşynda BAE-niň toparyna görkezilen myhmansöýerlik üçin türkmen tarapyna minnetdarlyk bildirip, ýaryşyň ýokary guramaçylyk derejesini aýratyn belläp geçdi.

FIFA milli ýygyndylaryň reýtingini täzeledi: Türkmenistan iki orun ýokary galdy
düýn 18:17
7.1k+

FIFA milli ýygyndylaryň reýtingini täzeledi: Türkmenistan iki orun ýokary galdy

Türkmenistanyň milli futbol ýygyndysy Halkara futbol federasiýasynyň (FIFA) täzelenen reýtinginde iki orun ýokary galdy. Indi topar 1092,4 bal (+16,27) bilen 140-njy orny eýeleýär. Türkmenistanyň milli ýygyndysyna sanawdaky ornuny ýokarlandyrmaga 2027-nji ýylda geçiriljek Aziýanyň kubogynyň saýlama ýaryşynyň oýnundaky ýeňiş kömek etdi: 10-njy iýunda topar Tailandyň milli ýygyndysyny 3:1 hasabynda utdy...

Zenanlaryň arasynda FIDE-niň Kubogynda Türkmenistandan ilkinji bolup Lala Şöhradowa ýaryşa başlady
07.07.2025 11:53
10k+

Zenanlaryň arasynda FIDE-niň Kubogynda Türkmenistandan ilkinji bolup Lala Şöhradowa ýaryşa başlady

Türkmenistandan zenan küştçüler ilkinji gezek zenanlaryň Küşt boýunça Dünýä Kubogyna gatnaşýar. Zenanlaryň arasynda FIDE-niň ussady 19 ýaşly Lala Şöhradowa 2025-nji ýylyň 5–29-njy iýuly aralygynda Batumide (Gruziýa) geçirilýän ýaryşa gatnaşýar...

15 ýaşly türkmenistanly dzýudoçy Almatyda kadetleriň arasynda Aziýa Kubogynda bürünç medal aldy
06.07.2025 14:19
5.9k+

15 ýaşly türkmenistanly dzýudoçy Almatyda kadetleriň arasynda Aziýa Kubogynda bürünç medal aldy

15 ýaşly Käkilik Derýaýewa kadetleriň arasynda geçirilen Aziýa Kubogynda bürünç medal gazandy. Bu halkara ýaryş Gazagystanyň Almaty şäherinde geçirilýär. Türkmenistanly türgen 48 kilogram agram derejesinde çykyş etdi...

Aýdogdy Atabaýew IBCA küşt Olimpiadasynda Türkmenistanyň ilkinji medalyny gazandy
06.07.2025 12:11
6.5k+

Aýdogdy Atabaýew IBCA küşt Olimpiadasynda Türkmenistanyň ilkinji medalyny gazandy

FIDЕ-niň ussatlygyna dalaşgär Aýdogdy Atabaýew Görüş ukyby pes küştçüleriň arasynda Bütindünýä küşt olimpiadasynda medal gazanan ilkinji türkmenistanly küştçi boldy. Ol Serbiýanyň Wrnýaçka-Banýa şäherinde geçirilen 17-nji Olimpiadada bürünç medal gazandy...