Hytaýyň Tecno kompaniýasy örän inçe korpusy bilen tapawutlanýan Spark Slim konseptual smartfonyny anons etdi. Onuň ýogynlygy bary-ýogy 5,75 millimetr bolar. Täze smartfon 3-nji martdan 6-njy mart aralygynda Barselonada geçirilýän MWC 2025 sergisinde “janly” görkeziler.
Bu smartfon bilen deňeşdirilende ýogynlygy 8,25 mm bolan iPhone 16 Pro “semiz” görünýär. Şol bir wagtyň özünde, işläp düzüjiler inçeligiň bähbidine akkumulýatordan geçmedi – smartfon 5200 mA/sag sygymly doly derejeli akkumulýator bilen enjamlaşdyryldy. Tecno munuň şeýle batareýa eýe bolan iň inçe smartfondygyny belleýär.
Rekord derejede inçelik ýörite “gysylan” batareýanyň ulanylmagy bilen gazanyldy. Akkumulýator batareýasynyň öz galyňlygy bary-ýogy 4,04 mm barabar. Telefonyň agramy häzirlikçe belli däl.
Smartfonyň beýleki aýratynlyklary:
- Ekran: 6,78 dýuým, AMOLED, Full HD (1224p), 144 Gs, ýagtylygyk 4500 nite çenli;
- Prosessor: 8 ýadroly, model belli däl;
- Ýat: belli däl;
- Kameralar: esasy 50 Mp, frontal 12 Mp;
- Batareýa: 5200 mA/sag, çalt zarýad beriş 45 Wt.
- OS: Android 15.
