2024-nji ýylyň dördünji çärýeginde Apple ähli kompýuter öndürijileriň arasynda iň ýokary ösüşi görkezip, Lenovo, HP we Dell-den öňe saýlandy.
Canalys-iň berýän maglumatlaryna görä, Mac-iň dünýä bazaryndaky paýy 10,2%-e ýetdi. Emeli aň (EA) bilen işleýän kompýuterleriň pudagynda bolsa Apple 45% bazar paýy bilen iň ýakyn bäsdeşi Windows-dan ep-esli öňe saýlandy.
Apple umumy kompýuter bazarynda dördünji orny eýelese-de, korporatiw pudakda çalt depginler bilen ösýär.
Kompýuter bazarynyň paýlanyşy (2024-nji ýylyň 4-nji çärýegi boýunça):
- ·Lenovo — 25%
- ·HP — 20%
- ·Dell — 15%
- ·Apple — 10%
- ·Asus — 7%
- ·Acer — 6%
- ·Huawei — 2%
- ·Microsoft — 0,4%
- ·Beýlekiler — 15%
«EA çipli kompýuterler» kategoriýasynda Apple açyk lider bolup galýar. 2024-nji ýylda satylan ähli kompýuterleriň 17%-i EA tehnologiýasy bilen işleýän enjamlar boldy, şolaryň 45%-i bolsa Mac kompýuterlerine degişli boldy. Mysal üçin, iň ýakyn bäsdeşleri Lenovo we HP bu kategoriýada bary-ýogy 12%-lik bazar paýyny eýelediler.
