«Ýüzükleriň hökümdary: Gollum awlamaga çykmak» (Властелин колец: Охота на Голлума) filminiň režissýory Endi Sýorkis «Fan Expo Vancouver 2025» çäresinde çykyş etdi. Çäräniň dowamynda ol filmiň premýerasynyň 2027-nji ýylyň dekabr aýyna süýşürilendigini mälim etdi. Ilkibaşda filmiň premýerasy 2026-njy ýylyň dekabr aýyna meýilleşdirilipdi diýip, «Screen Rant» neşiri habar berýär.
Sýorkis ssenariý işlerine ýaňy-ýakynda başlanandygyny we surata düşüriş işlerine indiki ýylda başlanjakdygyny aýtdy. Belläp geçsek, ozal awtorlar filmi iki bölege bölmegi meýilleşdirmeýändiklerini mälim edilipdiler.
Bu film Gollumyň geçmişi barada, şeýle-de awtorlaryň öňki filmlerde üstüni açmadyk wakalary barada gürrüň berer. Tolkininiň kitaplaryna görä, Gendalf Gollumy gözlemek wezipesini Aragorna tabşyrýardy. Filmiň prodýuseri Piter Jekson bolup, ol filmiň düşürilşiniň ähli tapgyrlaryna gatnaşar.
