DreamWorks studiýasy «Şrek 5» multifilminiň ilkinji tizerini çykardy. Multfilmiň premýerasy 2026-njy ýylyň 23-nji dekabrynda bolar.
«Ey, jadyly aýna! Bu ýerde iň owadan kim?» — diýip, tizerde Eşek soraýar. Aýna bolsa oňa ogryň suratlary bolan memleri görkezýär, diýmek jogap «Şrek» bolmaly. Aýnada peýda bolan suratlaryň arasynda, myşsalary kämil pälwan Şrek peýda bolýar. Şol wagt onuň gyzy otaga girýär we kakasynyň görnüşini görüp, gülüp başlaýar.
Bu sahna bilen studiýa Zendaýanyň Maýk Maýers (Şrek), Eddi Merfi (Eşek) we Kemeron Dias (şa gyzy Fiona) bilen bilelikde filme goşulýandygyny mälim etdi. Muşdaklar hem eýýämden keşpleriň täze çyzgylaryna we animasiýanyň üýtgeşik stiline üns berdiler.
Filmiň mazmuny entek syr bolup galýar, ýöne režissýorlyk wezipelerini franşizanyň tejribeli ussatlary Uolt Dorn we Konrad Wernon ýerine ýetirer. Dorn «Şregiň» ikinji we üçünji bölümleriniň ssenariýsinde işlän, dördünji filmde bolsa ssenariý toparyna ýolbaşçylyk eden. Ol şeýle-de «Şrek ebedi» (Шрек навсегда) filminde Rumpelştilshene ses beripdi.
2022-nji ýylda kinoteatrlarda Ädikli pişik barada täze spin-off film hem görkezilipdi. Oňa Antonio Banderas ses beripdi. Bu film DreamWorks üçin uly üstünlik bolupdy: ol dünýä boýunça kassalarda 500 million dollar diýen ýaly girdeji toplady.
