Huawei kompaniýasy Enjoy 70X smartfonynyň täze wersiýasynyň üstünde işleýär. Täze Enjoy 70X+ modeli has kämilleşdirilen öňdäki kamerasy, uly göwrümli ýatly görnüşleri we täze dizaýny bilen tapawutlanar.
Huawei kompaniýasy býujet derejesindäki (arzan bahaly) Enjoy 70X smartfonynyň täze görnüşini çykarmagy meýilleşdirýär. Täze enjamyň adyna «+» belgisi goşular, bu bolsa käbir täzelenmeleriň bardygyny aňladar.
Esasy üýtgeşme öňdäki kameranyň 8 MP-den 32 MP-e çenli ýokarlandyrylmagy bilen baglydyr. Munuň netijesinde selfi suratlaryň we wideojaňlaryň hili ep-esli gowulaşar.
Şeýle-de täze wersiýada 128 GB göwrümli model aýrylar, emma giňeldilen ýatlar bilen has köp wariant hödürlener:
- 8 GB RAM + 256 GB ROM,
- 8 GB RAM + 512 GB ROM,
- 12 GB RAM + 512 GB ROM.
Şeýle hem Huawei iki sany täze korpus reňkini goşar: Agate Red (gyzyl agat) we Obsidian Black (gara obsidian). Häzirki wagtda bar bolan dört reňk, şol sanda hem täze reňkler alyjylara has giň saýlaw mümkinçiligini berer.
Analitikleriň çaklamalaryna görä, Enjoy 70X+ smartfonynyň bahasy 2 müň ýuandan (takmynan, 275 dollardan) ýokary bolar, bu bolsa ony has ýokary bahaly smartfonlaryň hataryna ýerleşdirip biler.
Prosessory ýa-da batareýasy ýaly beýleki aýratynlyklar barada entek maglumat ýok. Täze modeliň resmi tanyşdyrylyşynyň öňümizdäki hepdelerde geçirilmegine garaşylýar.
