Samsung kompaniýasy Qualcomm-dan Snapdragon 8 Elite çipsetini aljak Galaxy Z Fold7 smartfonyny çykarmaga taýýarlanýar.
Insaýder PandaFlashPro-nyň maglumatlaryna görä, bu smartfon şeýle öndürijilikli platforma eýe bolan bazardaky az sanly gurluşlaryň biri bolar. Deňeşdirmek üçin, täze Find N5 Qualcomm-yň 7 ýadroly görnüşini ulanýar.
OnLeaks hökmünde tanalýan insaýder Stiw Hemmerstoffer ilkinji renderleri hödürledi. Syzma maglumatlara görä, täze smartfon Amazon-da 1549 dollara satylan Galaxy Z Fold6-dan inçe bolar. Smartfonyň ölçegi açylan görnüşde 158,4 x 143,1 x 4,5 mm bolar, ýygnalan görnüşde bolsa onuň ýogynlygy 9,5 mm bolar.
Akkumulýator sygymy 4400 mA/sag derejesinde galar. Fold7 8,2 dýuým içki ekrana we 6,5 dýuým ýokarky displeýe eýe bolar.
200 MP esasy kamera 12 MP ultra giňburçly kamera we 10 MP teleobýektiw bilen bilelikde işlär. Şeýle-de, eplenýän ekranda 4 MP selfi kamerasy we displeýiň gapagynda 10 MP kamera bolar.
Gurluşyň 2025-nji ýylyň iýulynda satuwa çykmagyna garaşylýar.
