ABŞ-nyň Milli aeronawtika we kosmos giňişliginiň barlaglary müdirligi (NASA) 2024-nji ýylyň dekabrynda ýüze çykarylan 2024 YR4 asteroidine goşmaça gözegçilik etdi. Täze maglumatlary seljerenlerinden soň, hünärmenler bu asman jisiminiň planetamyz bilen çaknyşmak ähtimallygyny ep-esli azaltdylar.
Başda çaknyşmak töwekgelçiligi 3,1% diýlip kesgitlenipdi (takmynan 32-den 1). Bu görkeziji ony NASA-nyň Ýeriň töweregindäki obýektleri öwrenýän merkeziniň (CNEOS) sanawynda iň howply asteroid etdi. Indi bolsa, çaknyşma ähtimallygy bary-ýogy 0,28%-dir (360-dan 1 ähtimallyk).
NASA-nyň işgärleri "çaknyşma ähtimallygynyň pesdigini we alada etmäge sebäbiň ýokdugyny" bellediler.
Howpuň ep-esli azalandygyna garamazdan, 2024 YR4 asteroidi CNEOS-yň howply jisimler sanawynda birinji ýerde durýar. Deňeşdirmek üçin, sanawdaky indiki 1950 DA asteroidiniň 2880-nji ýylda Ýer bilen çaknyşmak ähtimallygy 0,039%-dir.
