Apple iPhone 16e modeliniň çykmagy bilen enjamlaryndaky "Öý" (Home) düwmesini ulanmakdan doly ýüz öwürdi. Täze smartfon iPhone SE we iPhone 14-iň ýerine çykarylyp, Apple Intelligence-i goldaýan iň arzan enjam boldy. Indi Apple-iň satuwdaky häzirki zaman modelleriniň hemmesi nawigasiýa düwmesi bolmazdan diňe yşaratlar bilen dolandyrylar.
"Öý" düwmesi Apple enjamlarynda 2007-nji ýylda peýda boldy. Ol enjamda ýeke-täk fiziki dolandyryş düwmesi bolup, esasy ekrana derrew dolanmaga mümkinçilik berdi. 2011-nji ýylda bu düwmä Siri ses kömekçisini çagyrmak ukyby, 2013-nji ýylda bolsa Touch ID barmak yzy skaneri goşuldy.
2016-njy ýylda Apple köp enjamlaryndaky fiziki düwmäni sensor düwmesine çalyşdy. iPhone 7-de adaty düwmäniň deregine Taptic Engine gysga seslenmesi ulanylýardy.
Fiziki düwmeler ilkinji gezek 2017-nji ýylda iPhone X modelinde dolulygyna aýryldy. Muňa garamazdan, iPhone 8 we iPhone 8 Plus modelleri hem satuwda galdy we soňra kompaniýa şol bir dizaýnda iPhone SE 2 we iPhone SE 3-i çykardy.
Indi “Öý” düwmesi, häzirki modelleriň hemmesinden aýrylyp, Apple-iň iň tanalýan dizaýn elementleriniň biriniň 18 ýyllyk taryhyny tamamlady.
