Birnäçe meşhur brendleriň öz smartfonlarynyň bejergä ýaramlylygyny gowulandyrandygyna garamazdan, noutbuklara gezek galanda, özbaşdak bejermek işi çylşyrymly mesele bolup galýar. Bu ABŞ-nyň we Kanadanyň jemgyýetçilik gyzyklanmalaryny öwrenmek boýunça toparynyň (PIRG) 2025-nji ýyldaky hasabatynda tassyklanýar.
Hünärmenleriň maglumatlaryna görä, Apple we Dell öňe tarap birneme ädim ätdi, ýöne olaryň noutbuklary barybir pes baha aldy.
Lenovo 2025-nji ýyla çenli öz gurluşlarynyň 80%-ini bejermek üçin has ýaramly etmäge wada berdi, ýöne ol hem pes baha aldy – “F”. PIRG-iň habar bermegine görä, pes görkeziji kompaniýanyň öz modelleriniň 92%-i üçin bejergä ýaramlylygyň fransuz indeksini hödürlemändigi bilen baglanyşyklydyr.
Iň gowy görkeziji “A” bahasy bilen birinji orny eýelän Asus kompaniýasyna degişli boldy. Acer ikinji boldy. Bu brendler özbaşdak bejermesi aňsat bolan noutbuklary hödürleýär.
Samsung hem ABŞ-da meşhur brend hökmünde reýtinge girdi.
10 öndürijiniň 8-isi, şol sanda TechNet we Consumer Technology Association söwda assosiasiýalarynyň agzalary özbaşdak bejermek hukugyna garşy çykýar. Ýöne Google kompaniýasy bularyň hataryna girmedi we ol geçen ýyl bejermek hukugy barada dört kanun taslamasyny goldady.
