Her bir çaga - özboluşly bir şahsyýet. Olaryň her biriniň özüne ýeterlik ukyp-başarnygy, zehini bolýar. Bu başarnyklar kä çagada kiçi ýaşdan ýüze çyksa, käbirlerinde soň belli bolýar.
Aslynda, çaganyň başarnygyny biljek bolmak näme üçin gerek?
Her bir ene-ata perzendi babatda uly umytlary besleýär. Kimdir biri çagasyny lukman edip ýetişdirmek islese, kimdir biri mugallym, ýene birleri uçarman, telekeçi, inžener, kompýuter boýunça hünärmen... edesi gelýär. Ýöne çagaňyz, hakykatdan hem, siziň isleýän käriňize höweslimi? Belki-de, onuň has gowy başarýan başga bir ugry bardyr?!
Çagamyzyň ukybyny näçe ir ýüze çykaryp bilsek, şonça-da onuň geljekki kärini çalt kesgitläp bileris. Bu bolsa, onuň isleýän, iň esasysy hem, BAŞARÝAN kärini saýlap almaga, üstünlikli bolup ýetişmegine kömek eder.
Türkmenistanda ilkinji gezek açylan CURIOOkids halkara bilim edarasynyň merkezi çagalara bilim bermegiň innowasion usulyny hödürleýär.
ABŞ, Indoneziýa, Oman, Birleşen Arap Emirlikleri, Awstraliýa, Malaýziýa ýaly dünýäniň ençeme ýurtlarynda hereket edýän “CURIOOkids bilim merkezi” telekeçilik, tehnologiýalar, döredijilikli dizaýn we iňlis dili ugurlary boýunça çagalaryň ukyplaryny ösdürmäge ýöriteleşýär.
Ýönekeý dil bilen aýdylanda, CURIOOkids çalt özgerýän häzirki zaman dünýämizde telekeçileriň, dizaýnerleriň, alymlaryň we liderleriň täze neslini taýýarlaýar. Bilim merkezinde sapaklar tutuşlygyna IŇLIS DILINDE geçilýär.
Okuwlar 6-15 ÝAŞ aralygyndaky çagalar üçin niýetlenendir.
Curiookids-de okuwlar şu dört ugur boýunça alnyp barylýar:
- Tehnologiýalar. Munda ykjam goşundylary işläp taýýarlamakdan başlap, web-dizaýna çenli, şol sanda, HTML, CSS, JavaScript, emeli aň öwredilýär;
- Telekeçilik. Dürli ideýalary hakykatda üstünlikli taslamalara öwürmäge mümkinçilik berýän telekeçilik başarnyklary ösdürilýär;
- Döredijilikli dizaýn. Dizaýnyň esaslary öwredilýär we döredijilikli pikirlenmek endikleri ösdürilýär;
- Iňlis dili. Gündelik durmuşdaky hakyky wakalaryň üsti bilen aragatnaşyk endikleri ösdürilýär.
Türkmenistandaky okuwlar Kembrij maksatnamasy (Beýik Britaniýa) esasynda guralýar.
Bilim merkezinde täze möwsüm üçin ýazylyşyk başlandy.
Has giňişleýin maglumat almak üçin Instagram sahypasy we telefon belgileri arkaly habarlaşyp bilersiňiz.
Salgysy: N.Gullaýew (Nagina) köçesi, jaý 33
Habarlaşmak üçin: +993 71 803535
Instagram: @curioo.turkmenistan
