23-nji fewralda Telegram messenjerinde beýleki ulanyjylara berip boljak wirtual joraplar peýda boldy. Bu sowgat baýramçylykda erkeklere jorap sowgat etmek ýaly degişme äheňli sowet we rus däbi bilen baglanyşykly boldy.
Ýekşenbe güni agşama çenli azyndan 138,1 müň jorap satyldy, galan 111,8 müň jorap heniz satuwda diýip, Afişa Daily ýazýar. Her jorabyň bahasy 100 ýyldyza (Telegram-da 195,99 rubl ýa-da häzirki hümmet boýunça $2,2) durýar.
Joraplar eýýäm işläp düzüjilere, takmynan, 27 mln rubl ($306 müň) getirdi. Olar satylyp gutaran ýagdaýynda girdeji tas 50 mln rubl ($576 müň) bolup biler.
Telegram ozal hem şeýle sowgatlyk aksiýalaryny geçirdi. 14-nji fewralda Keramatly Walentin güni ulanyjylar dokuz sowgatdan ybarat toplumy bary-ýogy birnäçe sagatda alyp gutardy. Netijede, messenjeri esaslandyryjy Pawel Durowyň aýtmagyna görä, girdeji 5 mln dollar boldy.
