Disney+ platformasynda «Ýeňiş ýa-da ýeňliş» (Победа или поражение) atly multserial görkezilip başlandy. Bu taslama Pixar studiýasynyň ilkinji multserialydyr.
Serialda çempionada taýynlyk görýän softbol boýunça çagalar topary hakda gürrüň berilýär. Awtorlar ýaş türgenleriň we olaryň ene-atalarynyň häsiýetlerini açyp görkezmegi maksat edinýärler.
«Ýeňiş ýa-da ýeňlişiň» režissýorlary hökmünde Kerri Hobson we Maýkl Ýeýts çykyş edýär. Toparyň tälimçisine meşhur aktýor Uill Forte ses berýär. Serial jemi 8 bölüm bolar, iň soňky bölümiň premýerasy aprel aýynda meýilleşdirilýär. Tankytçylar seriala oňyn baha berdiler, ýöne gahrymanlaryň o diýen uly täsir galdyrmaýandygyny we käbir bölümleriň gurluşynyň üýtgeşikligi ýaly käbir gowşak taraplaryny hem belläp geçdiler.
