Ýakynda Apple özüniň iň elýeterli häzirki nesil smartfonyny – täze iPhone 16e-ni hödürledi. Şonuň netijesinde kompaniýanyň saýtyndan birbada üç köne iPhone modeli – iPhone SE, iPhone 14 Plus we iPhone 14 ýitdi. Bu olaryň önümçiliginiň doly bes edilendigini aňladýar.
iPhone 16e-niň tanyşdyrylyşyndan öň, täze nesil iPhone SE kompaniýanyň iň elýeterli smartfony bolar diýlip hasaplanýardy. Ýöne käbir çeşmeler smartfonyň iPhone 16e adyny aljakdygyny habar beripdi we bu şeýle-de boldy. Apple netijede birbada üç köne modeli bir täze smartfon bilen çalyşdy.
Kompaniýanyň özi iPhone SE, iPhone 14 we 14 Plus smartfonlaryny satmagyny bes etse-de, olary bellibir wagtyň dowamynda başga dükanlarda tapmak bolar. Ähtimal, iPhone 14 uly islegden peýdalanandygy we kompaniýanyň bu modelden ätiýaçlygynyň uludygy sebäpli, söwda tekjelerinde birneme uzak saklanar.
Şeýle-de, indi Apple kompaniýasy Lightning birleşdirijisi bolan smartfonlaryny satmagyny doly derejede bes etdi – kompaniýanyň assortimentinde galan modelleriň ählisinde USB-C bar. Ýöne Lightning gurluşlaryny henizem Apple-iň saýtynda satyn almak bolýar – mysal üçin, birinji nesil Pencil stilusyny. Şeýle-de, indi ähli iPhone OLED ekranlary bilen üpjün edilendir.
