HBO-nyň “The Last of Us” serialynyň ikinji möwsümi (rus dilli prokatda – “Bizden birleri”) 13-nji aprelde çykar. Bu barada Variety neşiri habar berýär.
Serialyň dowamy “The Last of Us: Part II” oýnunyň sýužetine esaslanýar. Onda hereket birinji möwsümdäki wakalardan bäş ýyl soň bolup geçýär.
“Birinji möwsümiň wakalaryndan soňky bäş ýyllyk parahatçylykdan soň, Joel bilen Elliniň umumy geçmişi olaryň birek-biregi we yzda galdyrylandan has howply we kesgitsiz dünýä bilen dawasyna getirýär” – diýip, ikinji möwsümiň beýanynda aýdylýar.
Postapokaliptik zombi serialynda öz rollaryna Pedro Paskal we Bella Remsi gaýdyp geler. Mundan başga-da, seriala Keýtlin Dewer, Izabela Mersed we Jeffri Raýt goşuldy.
Taslamanyň şouranneri Kreýg Mazin boldy. Ol ozal ikinji möwsümiň ýedi bölüminiň “dykyz” we “kaloriýaly” boljakdygyny aýdypdy.
“Her bölüm – nahar ýaly. Nämedir bir ýeňil tagam bilen agşamlyk edip bolar ýa-da 12 tagamly restorana gidip bolar. Biziň ýedi bölümimiz bar. Bu ýokary kaloriýaly, baý bölümler bolar. Eger siz ekşn, drama we masştab epikligi döredýär diýip hasaplaýan bolsaňyz, onda bu bölümleriň her biri sizi parhsyz goýmaz. Siziň ýüregiňiz gysmaz” – diýip, ol belledi.
