Opta superkompýuteri Çempionlar ligasynyň 1/8 finalynda oýnamak hukugy üçin geçirilen pleý-off tapgyrynyň netijesi boýunça ýaryşda ýeňiş gazanmak ähtimallygy ýokary bolan toparlaryň reýtingini täzeledi.
Birinji orunda henizem “Liwerpul” ýerleşýär, ýöne superkompýuter onuň ýeňiş üçin mümkinçiligini 24,6%-den 20,2%-e çenli azaltdy.
Ikinji orunda Londonyň “Arsenaly” ýerleşýär, ol Çempionlar ligasynda 16,8% ähtimallyk bilen ýeňiji bolup biler (öňki reýtingde-de onuň mümkinçiligi şonçady – 16,6%). Liderleriň üçlügine indi “Barselona” goşuldy, toparyň ýeňiş üçin mümkinçiligi 9,5%-den 12,7%-e çenli artdy. Katalon kluby “Interden” öňe geçdi, superkompýuter onuň ýeňiş gazanmak ähtimallygyny 14,5%-den 12,4%-e çenli azaltdy.
2024/2025 möwsüminiň Çempionlar ligasynda ýeňiş üçin dalaşgärleriň ilkinji onlugy:
- “Liwerpul” – 20,2%;
- “Arsenal” – 16,8%;
- “Barselona” – 12,7%;
- “Inter” – 12,4%;
- Madridiň “Realy” – 10,5%;
- “PSŽ” – 8,8%;
- “Baýer” – 4,6%;
- “Bawariýa” – 4,2%;
- Madridiň “Atletikosy” – 3,8%;
- “Aston Willa” – 1,2%.
