Tesla Cybertruck resmi taýdan 2025-nji ýylyň iň howpsuz awtoulaglarynyň biri diýlip ykrar edildi. Geçirilen çaknyşyk synaglaryndan soň, ABŞ-nyň Milli ýol hereketi howpsuzlygynyň administrasiýasy (NHTSA) elektrikli pikaba iň ýokary – bäş ýyldyzly bahany berdi. Bu barada «Investing» habar berýär.
Synaglaryň dowamynda Cybertruck örän gowy netijeleri görkezdi. Öň tarapdan we gapdaldan çaknyşyk synaglarynda bäş ýyldyz aldy. Agdarylmaga garşy durnuklylyk synagynda bolsa dört ýyldyz aldy. Bu ulag üçin agdarylmak töwekgelçiligi bary-ýogy 12,4% boldy. Şeýle uly we agyr elektrikli pikap üçin bu örän gowy görkezijidir.
Bu netijeler Cybertruck-yň diňe bir owadan däl, eýsem örän ygtybarly ulagdygyny görkezýär. Indi şäher içinde ulanmak üçin elektrikli awtoulag satyn almagy meýilleşdirýän müşderiler, Cybertruck-y diňe bir güýçli we täzeçil däl, eýsem howpsuz ulag hökmünde hem göz öňünde tutup bilerler.
Tesla ýokary derejeli howpsuzlyk kadalaryna ygrarlydygyny hemişe subut edip gelýär. Şonuň netijesinde kompaniýanyň modelleri diňe bir Amerikanyň däl, eýsem bütin dünýäniň awtoulag bazarynda bäsdeşlige ukyply bolmaga dowam edýär.
