Casio G-Shock GA-V01 sagatlarynyň täze tapgyryny hödürledi. Olar dört modeli öz içine alýar: GA-V01-1A (gara), GA-V01-2A (goýy gyrmyzy), GA-V01-8A (kümüşsöw) we GA-V01-9A (sarymtyl ýaşyl).
Aksessuarlary 3D siferblatly futuristik dizaýny we gaýry planetalynyň gözlerini ýada salýan LCD ekrany bilen tapawutlanýar. Modelleriň ululygy täsirli: ini 58,2 mm, galyňlygy 19,6 mm we agramy 74 gram.
Adaty bolmadyk görnüşine garamazdan, GA-V01 G-Shock-iň ähli adaty artykmaçlyklaryny saklaýar: 10 ýyl işleýän batareýaly, zarba bildirmeýän berk, 200 m çuňluga çenli suwa çydamly we rezin sagatbagly. Şeýle hem olar goşa LED yşyklandyryş bilen enjamlaşdyrylan, dünýäniň 48 şäheriniň wagtyny görkezýär, 1/100 sekunda çenli takyk sekundomeri, taýmeri we bäş sany ukudan oýaryjy jaňy bar.
G-Shock GA-V01 tapgyry 21-nji fewraldan başlap Hytaýda elýeterli bolar.
GA-V01-1A-nyň, GA-V01-9A-nyň we GA-V01-2A-nyň bahasy 990 ýuan (~ 136 $), GA-V01-8A-nyňky bolsa 1090 ýuan (~ 150 $) töweregi bolar. Beýleki ýurtlarda goýberiljek senesi entek yglan edilmedi.
