«Karib deňziniň garakçylary» filmler seriýasynyň prodýuserleri täze bölümiň surata düşürilmegi üçin taýýarlyk işlerine başladylar. Bu barada «TheDisInsider» neşiri habar berýär.
Alnan maglumatlara görä, bu taslama Jonni Depp hem gatnaşar. Ol meşhur kapitan Jek Serçäniň keşbine gaýdyp geler.
Mundan öň Disney-iň prodýuserleri täze filmiň iki görnüşini göz öňünde tutýandyklaryny belläpdiler: biri Depp bilen, beýlekisi bolsa onsuz. Filmiň haýsy görnüşde surata düşüriljekdigi kompaniýanyň aktýor bilen ylalaşygyna bagly. Ember Herd bilen bolan kazyýet dawasyndan soň, Disney bilen Deppiň arasyndaky gatnaşygyň gowulaşyp-gowulaşmajakdygy belli däl.
Ýatladyp geçsek, «Karib deňziniň garakçylary» filminiň iň soňky bölümi 2017-nji ýylda çykypdy. Jonni Depp bilen baglanyşykly dawalar sebäpli, Disney onuň bilen hyzmatdaşlygyny bes edipdi. Aktýor bolsa kazyýet işi gutarandan soň, Disney-iň özüne bolan garaýşyna nägile bolup, franşiza gaýdyp gelmejekdigini aýdypdy.
