Ferrari kompaniýasy Italiýada öz işgärleri üçin ýyllyk bonusyň ýokarlandyrylandygyny habar berdi. 2025-nji ýylda 5000 işçiniň her biri kompaniýanyň üstünliklerine goşan goşandy üçin baýrak hökmünde 14 400 ýewro alar.
Geçen ýyl bilen deňeşdirilende, töleg mukdary 900 ýewro artdyryldy, 2024-nji ýylda bonus 13 500 ýewro bolupdy. Italiýada 14 400 ýewro bazarda iň meşhur we elýeterli krossowerleriň biri bolan FIAT Panda-ny satyn alyp bolýar.
Italýan awtomobil öndürijisi şu ýyl girdejiniň we düşewündiň 2024-nji ýylda maksatly görkezijilere ýetilenden soň, azyndan 5% ýokarlanmagyna garaşýar. Geçen ýyl Ferrari-niň arassa girdejisi 21% ýokarlanyp, 1,52 mlrd ýewro ýetdi. Bu bolsa analitikleriň 1,46 mlrd ýewro çaklamasyndan ýokarydyr. Kompaniýanyň girdejisi bolsa 11,8%, 6,67 mlrd ýewro çenli ýokarlandy (6,55 mlrd ýewro maksatly görkezijiden ýokary).
Bonuslar bilen höweslendiriş ulgamy maranelloly awtoöndüriji üçin däbe öwrüldi. Kompaniýanyň ýolbaşçylygy brendiň ýokary görkezijileri üçin işgärlerini yzygiderli sylaglaýar we olar bilen girdejini paýlaşýar.
