Longines “Polat adam”, “Adalat ligasy” filmlerindäki we “Wedmak” teleserialyndaky keşpleri bilen tanalýan iňlis aktýory Genri Kawili brendiň täze ilçisi hökmünde tanyşdyrdy.
Kompaniýanyň baş direktory Mattias Breşan Kawiliň brendiň gymmatlyklaryny – açyk göwünliligini, inçeligini we häzirki zamanyň nepislik ruhuny hakykatdanam özünde jemleýändigini aýtdy.
“Longines-de meni özüne çekýän zat, onuň salykatlylygydyr. Hakyky hil mahabata mätäç däl. Ol her bölejiginde we her bir hereketinde aýdyň görünýär. Bu meniň öz gymmatlyklarym bilen çuňňur sazlaşyp gidýän takyk ussatlygyň we çeperçiligiň nesilme-nesil berkän pelsepesidir "- diýip, Kawill resmi beýanatynda belledi.
1832-nji ýylda döredilen Longines takyklygy, nepisligi we täzeçilligi birleşdirýän sagatlary bilen meşhurdyr.
Kawil bilen baglaşylan şertnama brendiň kino we sport dünýäsiniň görnükli şahsyýetleri bilen hyzmatdaşlyk etmek däbini dowam etdirýär.
