Warner Bros. 1985-nji ýylda çykan “Pekgeler” kult başdan geçirme komediýasynyň dowamynyň çykjakdygyny bildiriş etdi. Bu barada Hollywood Reporter ýazýar.
Taslama filmiň asyl nusgasynyň üstünde işlän Stiwen Spilberg bilen Kris Kolambus prodýuserlik edýär. Birinji bölümiň režissýory Riçard Donneriň dul aýaly Loren Şuler Donner filmiň ýerine ýetiriji prodýuseri bolar.
Edebi esasyny "Garry Genri" westerniniň awtory Potsi Ponçiroli ýazar. Režissýoryň ady, aktýorlar düzümi we filmiň surata düşürilip başlanjak senesi entek belli däl.
1985-nji ýylda düşürilen film garakçylaryň hazynasyny gözleýän oregonly ýetginjekler barada gürrüň berýärdi. Film kult klassikasyna öwrüldi we 19 million dollarlyk býujet bilen 125 million dollar gazandy. Janköýerler dowamyna köp wagtlap garaşdylar we Warner Bros. onuň garaşanyňa degjek film boljakdygyny wada berýär.
Asyl filmde Joş Brolin, Şon Astin, Ke Hýui Kwan, Kori Feldman we Marta Plimpton dagy oýnadylar.
