Ilon Maskyň SpaceX kompaniýasyna degişli bolan Starbase kosmodromy Tehasda şäher adyny alyp biler. Kemeron okrugynyň kazysy degişli çözgüt kabul etmek üçin kompaniýanyň işgärleri tarapyndan berlen saýlaw geçirmek baradaky haýyşy tassyklady.
Eger teklip edilýän şäher zolagyndaky saýlawçylar 3-nji maýdaky saýlawlarda bu pikiri goldasalar, kosmos kompaniýasynyň ştab-kwartirasy 200-den 5000-e çenli ýaşaýjysy bolan ilat nokady hökmünde kesgitlenýän C görnüşli munisipalitet bolar. Bu ýagdaýda şäheri häkim we iki komissar dolandyrar. Häzirki wagtda häkim wezipesine diňe bir dalaşgäriň bardygy belli – SpaceX-iň howpsuzlyk menejeri Gunnar Milbern.
Saýlawlary geçirmek üçin haýyş mümkin bolan ýaşaýjylaryň azyndan 10%-iniň goluny ýygnamalydy, şäheri döretmek üçin bolsa has köp ses talap edilýär. Deslapky ses berişlik aprel aýynyň ahyrynda başlanar.
Kazy Starbase-iň 1995-nji ýyldan bäri Kemeron okrugynda ilkinji täze şäher boljakdygyny belledi.
Ilon Mask Starbase bazasyny adamlary Aýa we Marsa ibermek üçin ulanmagy meýilleşdirýär, bu ýerde koloniýa döretmegi hem göz öňünde tutýar.
