iFixit saýtynyň awtorlary Samsung Galaxy S25 Ultra-ny söküp, onuň bejeriş işlerine ýaramlylygyna baha berdi.
Prosesiň netijesinde flagman 10-dan 5 bal aldy. Baha deslapky bolsa-da, ol soňky 10 ýylda Samsung-yň köp flagmanlaryndan has gowy hasaplanýar. Ýöne ol şonda-da, 7 bal alan täze iPhone smartfonlaryndan pesdir.
Awtorlar akkumulýatory aňsat çykarmaga mümkinçilik berýän ýörite lentalaryň bolmagyna ýokary baha berdi. Şol bir wagtyň özünde, S25 Ultra-nyň displeýini aýyrmak o diýen aňsat iş däl. Ýöne bellemeli ýeri, displeýiň aşagynda hiç zat ýok, şol sebäpli ony diňe zeper ýeten ýagdaýynda aýyrmak bolar.
Kameralaryň köpüsi modul bolup, olary çalyşmak aňsat. Arka tarapdaky dört modul nurbatlar bilen berkidilýär we zerur bolan ýagdaýynda olary aňsatlyk bilen aýryp bolýar. Ýöne selfi kamerasy epoksid şepbigi bilen ýelimlenen.
Awtorlar S Pen stilusyna hem üns berdi. Onuň içi öňki nesil stilusy bilen meňzeş. Hatda Bluetooth çibi üçin ýer hem bar, ýöne çibiň özi ýok. Sebäbi kompaniýa S24 Ultra eýeleriniň diňe 1%-iniň degişli funksiýadan peýdalanandygy üçin, täze stilusda bu aýratynlygy aýyrmak kararyna geldi.
