Internetde Samsung Galaxy A36 we A26-nyň ýokary hilli şekil suratlary peýda boldy.
Galaxy A36-nyň suratlaryny meşhur insaýder Ewan Bless paýlaşdy. Modelde monolit görnüşdäki täze kamera blogy ýerleşýär. Smartfon Full HD+ durulykdaky we 120 Gz täzeleniş ýygylykly 6,6 dýuýmlyk OLED displeý bilen üpjün edilýär. Enjam Qualcomm Snapdragon 6 Gen 3 prosessory esasynda işleýär we 8 GB operatiw ýat (RAM) bilen üpjün edilýär. Esasy kamerasy 50 MP sensor bilen gelýär.
Model ak, benewşe, gara we ýaşyl reňklerde hödürlener.
Galaxy A26 modeliniň şekillerini bolsa Arsène Lupin lakamy bilen tanalýan insaýder paýlaşdy. Bu model ozalky öňki panel bilen Galaxy S10-dan ylham alnan täze arka dizaýny utgaşdyrýar.
Öňki hasabata görä, bu smartfon 120 Gz täzeleniş ýygylykly 6,64 ýa-da 6,7 dýuýmlyk FHD+ displeý bilen üpjün ediler.
Ol Samsung Exynos 1280 prosessory esasynda işleýär we 6 GB operatiw ýat bilen üpjün ediler. Batareýanyň göwrüminiň 5000 mAh bolmagyna garaşylýar.
Enjamyň ölçegleri 164×77,5×7,7 mm, agramy bolsa 209 gram bolar. Bu bolsa ony ozalky modelden birneme uly, ýöne has ýuka we ýeňil edýär. Geçen ýylky modeliň galyňlygy 8,3 mm, agramy bolsa 197 gram bolupdy.
Iki smartfon hem Android 15 esasly One UI 7.0 bilen işleýär we 6 ýyl täzelenme alar.
Täze modelleriň resmi tanyşdyrylşynyň mart aýyndan giç bolmazdan geçirilmegine garaşylýar.
