Hytaýyň dolandyrylýan kosmos uçuşlary programmasy müdirligi (CMSA) Hytaýyň kosmonawtlarynyň Ýeriň tebigy hemrasyna geljekde guraljak uçuşy barada gürrüň berýän üç minutlyk wideo ýaýratdy. Bu missiýany 2030-njy ýyla çenli amala aşymak meýilleşdirilýär.
Meýilnama iki sany raketa göterijiniň adam tarapyndan dolandyrylýan kosmos gämisini we Aý gonuş modulyny Aýyň orbitasyna eltmegini göz öňünde tutýar. Olar özara birleşer, şondan soň taýkonawtlar gonuş modulyna geçerler. Goýberilen apparat Aýyň üstüne gonansoň, kosmonawtlar Aý ulagynda ylmy ekspedisiýa ugrarlar.
Mundan başga-da, CMSA-nyň hünärmenleri Aý skafandryna we dolandyrylýan Aý ulagyna at tapmak ugrundaky bäsleşigiň netijelerini jemlediler, olar halk tarapyndan teklip edilen 9000 wariantyň içinden saýlanyp alyndy.
Skafandra "Wanýuý" ("Äleme nazar"), Aý ulagyna bolsa "Tanso" (“Nämälimligiň barlagçysy”) diýen atlar dakyldy.
