Amazon Prime Video 13-nji martda görkezilip başlanjak «Wagtyň çarhy» (Колесо времени) serialynyň üçünji möwsüminiň treýlerini hödürledi.
Treýlerde Moreýniň geljek baradaky görüşler bilen ejir çekýändigi hem-de Randyň öz ykbalyny ýerine ýetirmäge çalyşýandygy görkezilýär. Ol ýagtylygy saýlarmy ýa-da garaňkylygyň özüni tüketmegine ýol berermi – bu serialyň indiki bölümlerinde belli bolar.
Täze bölümleriň wakalary esasan Robert Jordanyň «Beýgelýän kölege» (Восходящая тень) atly kitabyna esaslanýar. Wakalar Aýil çöllüginde, port şäheri Tançikoda we gadymy şäher Ruidinde bolup geçýär.
«Wagtyň çarhy» serialy ilkinji gezek 2021-nji ýylda görkezildi. Taslamanyň döredijisi we ýerine ýetiriji prodýuseri hökmünde Reýf Jadkins çykyş edýär.
