Häzirki zaman awtoulaglary howpsuzlyk ulgamlaryny kämilleşdirmegi dowam etdirýärler. Awtoulaglaryň köpüsinde eýýäm çaknyşyk ýüze çykan halatynda ýolagçylary goramaga niýetlenen gapdal, dyz we merkezi howpsuzlyk ýassyklary ulanylýar. Şeýle-de bolsa, ZF Lifetec kompaniýasy ösüşde hasam öňe gitmek kararyna geldi we aýak üçin dünýäde ilkinji howpsuzlyk ýassygyny işläp taýýarlady.
Active Heel Airbag diýlip atlandyrylýan täze önüm ýol heläkçiliginde sürüjiniň we ýolagçylaryň dabanyny goramak üçin niýetlenendir.
Bu ulgamyň aýratynlygy aýaklar adaty bolmadyk ýagdaýda durka, olaryň goşmaça goragyny üpjün etmegidir. Bu, esasanam, adamlaryň oturgyçlaryň ýagdaýyny üýtgedip bilýän awtopilotly awtoulaglar üçin has möhümdir. Şeýle ýagdaýda, mysal üçin, dyz üçin howpsuzlyk ýassyklary ýeterlik derejede netijeli bolman biler.
Täze eýrbeg awtoulagyň poluna, pedallaryň aşagyna gurulýar. Çaknyşyk ýüze çykan dessine ol derrew çişýär we aýaklara goşmaça söýeg bolýar. Bu dyza düşýän agramy azaltmaga we uýlugy şikes ýetmekden goramaga kömek edýär.
Geljekde ZF bu tehnologiýany diňe bir howpsuzlyk üçin däl, eýsem rahatlyk üçinem ulanmagy meýilleşdirýär. Mysal üçin, awtonom sürüş wagtynda sürüji aýaklara goşmaça tekge bermek üçin eýrbegi işjeňleşdirip biler.
Active Heel Airbag ulgamynyň 2028-nji ýyla çenli köpçülikleýin öndürilýän ulaglarda elýeterli bolmagyna garaşylýar.
