Ýaponiýaly režissýor Takasi Ýamadzaki Godzilla hakynda täze film düşürmek isleýär. “Oskar” baýragyna eýe bolan “Godzilla: Minus bir” filmini dörediji täze kartina üçin eýýäm ssenariý ýazýandygyny tassyklady, ýöne önümçilik barada giňişleýin maglumat bermedi.
Ýamadzaki Toho studiýasynyň filmiň dowamy üçin bary-ýogy 15 mln dollara düşürilen ilkinji filmden has uly býujet bölüp berendigini aýtdy. Bu “Godzilla: Minus bir” filminiň prokatda, takmynan, 113 mln dollar ýygnap, uly üstünlik gazanmagy bilen baglanyşyklydyr. Bu film hatda iň gowy wizual effektler üçin “Oskar” baýragyna mynasyp bolup, tomaşaçylardan we tankytçylardan ýokary baha aldy.
Godzilla baradaky täze filmiň heniz çykjak senesi-de belli däl.
Şol bir wagtyň özünde, Universal studiýasy hem “Godzilla vs. Kong” filminiň üstünde işleýär, onuň premýerasy 2027-nji ýylyň 26-njy martynda bolar.
