"Adam-kalkulýator" diýlip tanalýan 14 ýaşly hindi oglanjygy Aarýan Şukla bir günde Ginnesiň alty sany täze rekordyny goýdy.
Ol ilkinji gezek rekordy, takmynan, bir ýyl ozal "Lo Show Dei Record" şüweleňinde goýupdy. Şonda ol 50 sany bäş belgili sany 25,19 sekuntda goşupdy.
Bu gezek ýaş matematik 100 dört belgili sany goşmak (30,9 sekunt), 200 dört belgili sany goşmak (1 minut 9,68 sekunt), 50 bäş belgili sany goşmak (18,71 sekunt), ýigrimi belgili sany on belgili sana bölmek (5 minut 42 sekunt), iki bäş belgili sany köpeltmek (51,69 sekunt) we iki sekiz belgili sany köpeltmek (2 minut 35,41 sekunt) boýunça rekord goýdy.
Şukla günde bäş-alty sagatlap matematika bilen meşgullanýandygyny gürrüň berdi. “Biziň maşgalamyz adaty bir maşgala. Emma Aarýan ýaly adamlar milliarddan biri çykýar " – diýip, onuň kakasy belledi.
