Samsung-yň geljekki ýokary derejeli orta býujet smartfony boljak Galaxy A56 modeliniň ýokary hilli şekil suratlary peýda boldy. Suratlar meşhur insaýder Ewan Bless (evleaks) tarapyndan neşir edildi diýip, «SamMobile» neşiri habar berýär.
Enjam alýumin çarçuwaly bolar, kamera blogy bolsa Samsung Galaxy S10 modelindäkä meňzeş bolar.
Galaxy A56-nyň aýratynlyklary barada köp zat eýýämden mälim. Smartfon Samsung Exynos 1580 prosessorynda we Android 15 OS esasly OneUI 7 interfeýsinde işleýär. Täzelenme taýdan goldaw 6 ýyl dowam eder.
8/128 GB we 12/256 GB görnüşlerde hödürlener. Zarýad alyş kuwwaty 45W bolup, bu Samsung Galaxy S25 Ultra bilen deňdir we Galaxy A55-den iki esse diýen ýaly güýçlüdir.
Samsung Galaxy A56 we Galaxy A36 modelleriniň öňümizdäki aýlarda satuwa çykarylmagyna garaşylýar.
