Universal Pictures kinostudiýasy «Aždarhany nädip eldekileşdirmeli» (Как приручить дракона) animasiýa franşizasynyň ekranlaşdyrmasynyň (remeýkiniň) treýlerini neşir etdi. Film 13-nji iýunda kinoteatrlarda görkezilip başlanar.
Filmde ýaş wiking Ikking bilen onuň Dişsiz atly aždarhasy barada gürrüň berilýär. Baş keşpleri Meýson Temz, Niko Parker, Jerard Batler we Nik Frost ýerine ýetirýär. Filmiň režissýory hökmünde asyl trilogiýanyň awtory Din DeBlua çykyş edýär.
Ýatlatsak, «Aždarhany nädip eldekileşdirmeli» trilogiýasy 2010-2019-njy ýyllar aralygynda çykyp, jemi 1,5 milliard dollar girdeji gazanmagy başarypdy. Trilogiýa Kressida Kouelliň şol bir at bilen neşir edilen kitaplarynyň esasynda surata düşürilipdi.
