San-Diýegodaky Kaliforniýa ştatynyň uniwersiteti (SDSU) Golliwudyň kinofilm pudagy boýunça jyns deňligi barlagynyň ýyllyk täze netijelerini çap etdi. Barlaga görä, 2024-nji ýylda iň köp girdeji getiren blokbasterleriň baş gahrymanlarynyň keşpleriniň 42%-ni zenanlar, 42%-ni bolsa erkekler ýerine ýetiripdir, bu bolsa kinofilm taryhynda bu görkezijileriň deňleşen ilkinji ýyly boldy diýip, «Deadline» neşiri habar berýär.
Filmleriň galan 16%-i bolsa toparlaýyn ýerine ýetirilen baş keşplere degişli boldy. Bu barlagyň netijelerini SDSU-nyň Telewideniýe we kino boýunça zenanlary öwreniş merkezinden Marta Lauzen paýlaşdy.
«"Substansiýa" ýaly filmler aýallary biri-biriniň ornuny tutup bilýän zatlar hökmünde görýän däbe berk garşylyk görkezip biler» diýip, Lauzen belläp geçýär.
2023-nji ýylda filmleriň bary-ýogy 28%-inde baş keşbi zenanlar ýerine ýetiren bolsa, galan 62%-inde wakalar erkekleriň nukdaýnazaryndan beýan edilipdi.
Şeýle hem barlagyň netijelerine görä, erkekler häzirki wagtda hem ekranlarda zenanlardan has köp çykyş edip, has köp (72%) gürleýärler.
