Apple parol goragyndan geçmäge we gulplanan iPhon-lardaky we iPad-lerdäki maglumatlara girmäge mümkinçilik berýän howply gowşaklygy çözýän iOS 18.3.1, iPadOS 18.3.1 we iPadOS 17.7.5 üçin gyssagly täzelenme çykardy.
Göz öňünde tutulýan gowşaklyk USB Restricted Mode howpsuzlyk mehanizminden geçýän ilkinji ýüze çykarylan gowşaklygydyr. 2018-nji ýylda iOS 11.4.1-e girizilen bu režim enjamlary USB arkaly rugsatsyz girişden goramak üçin döredildi.
The Verge-iň berýän maglumatlaryna görä, bu gowşaklyk "belli bir adama garşy aşa çylşyrymly hüjüm edilende" ulanylyp bilner. Citizen Lab-iň barlagçysy Bill Marçak bu meseläniň iPhone XS-den we iPad Pro-nyň üçünji neslinden başlap enjamlara degişlidigini aýtdy.
Apple bu näsazlygyň awtorizasiýa dolandyryşy bilen baglanyşyklydygyny we ulgamyň ýagdaýynyň dolandyrylyşyny gowulandyrmak arkaly düzedilendigini aýtdy. Täzelenme Mac, Apple Watch we Vision Pro üçin patçlary hem öz içine alýar, ýöne patçlar üçin jikme-jiklikler we düşündirişler entek aýdylmady.
Kompaniýa ulanyjylara howpsuzlygy gowulandyrmak üçin enjamlaryny dessine täzelemegi maslahat berýär.
