Sony kompaniýasy 2025-nji ýylyň «State of Play» çäresiniň geçiriljek senesini yglan etdi. Ol 13-nji fewralda Aşgabat wagty bilen sagat 03:00-da geçiriler. Çäräniň dowamynda PlayStation 5-e geljek täze oýunlar barada maglumat berler.
Çärede tomaşaçylarda uly seslenme döretjek birnäçe iri oýnuň çykmagyna garaşylýar, emma Sony bular barada häzirlikçe hiç hili maglumat bermedi.
«PS5-e geljek ajaýyp oýunlar baradaky täzelikler we täzelenmeler üçin göni ýaýlyma tomaşa ediň. Bu şüweleň dünýäniň dürli studiýalary tarapyndan döredilen döredijilikli we özboluşly gyzykly oýunlaryň ýygyndysyny gutlaýar» diýip, Sony kompaniýasynyň metbugat gullugy habar berýär.
«State of Play» çäresinde:
- «Death Stranding 2: On the Beach» oýnunyň ilkinji treýleriniň görkezilmegine;
- «Ghost of Yotei» oýnunyň täze treýlerleriniň görkezilmegine;
- «Intergalactic: The Heretic Prophet» we «Naughty Dog» oýunlarynyň geýmpleý wideolarynyň görkezilmegine;
- «Metal Gear Solid 3» barada giňişleýin maglumatlaryň berilmegine;
- «Resident Evil 9» oýnunyň yglan edilmegine;
- «Horizon» äleminiň çäginde täze köp oýunçyly (multiplayer) oýnuň tanyşdyrylmagyna garaşylýar.
«State of Play» çäresiniň göni ýaýlymy YouTube we Twitch platformalarynda elýeterli bolar.
