Seýrek duş gelýän «Garri Potter we pelsepe daşy» kitabynyň ilkinji neşiriniň bir nusgasy zir-zibilleriň arasyna taşlanypdy. «BBC» neşiriniň ýazmagyna görä, auksion öýüniň ýolbaşçysy Deniel Pirs kitaby Brikshemde aradan çykan bir adamyň zatlarynyň arasynda tapdy.
Kitap beýleki zatlar bilen bilelikde zir-zibil bankyna iberilmeli eken.
Emma halas edilen bu nusga Peýntondaky NLB auksionynda 21 müň funt sterlingden gowrak – takmynan 25 müň ýewro bahasyna satyldy.
Deniel Pirs kitabyň ilkinji neşir edilen 500 nusgadan biridigini, onuň yz tarapyndaky «philosopher’s» sözüniň ýalňyş ýazylmagyndan we beýleki aýratynlyklaryndan tanapdyr.
Halkara alyjylaryň auksiona gatnaşygyny iň ýokary derejä ýetirmek maksady bilen, onuň wagty ABŞ-nyň günbatar kenary bilen wagt tapawudy göz öňünde tutulyp üýtgedilipdir.
