“Sýogun” (Сёгун) serialynyň şouranneri Jastin Marks we baş keşbi ýerine ýetiriji Hiroýuki Sanada ikinji möwsümiň üstündäki işleriň işjeň dowam etdirilýändigini habar berdi. Ssenariý taýýar we serial güýzde düşürilip başlanar.
Critics Choice Awards baýragynyň gowşurylyş dabarasynda Marks toparyň surata düşürmek üçin ýer gözleýändigini aýtdy. Ol täze möwsümiň on bölümden ybarat boljakdygyny we tomaşaçylara eýýäm birinji bölümden uly sýužet öwrümleriniň garaşýandygyny gürrüň berdi.
“Hemmeler ýazylan materiala haýran galdy” – diýip, ol belledi.
Aktýor Hiroýuki Sanada Variety bilen söhbetdeşlikde surata düşürmek işleriniň güýze meýilleşdirilýändigini habar berdi. Bu taslama aktýorlar düzüminiň ýarysy gaýdyp geler, ýöne täze gahrymanlar hem peýda bolar. Häzir surata düşürmek üçin topar saýlanýar.
“Men işiň başlamagyna sabyrsyzlyk bilen garaşýaryn” – diýip, Sanada belledi.
