2024-nji ýylda dünýäde planşet satuwy 9% artyp, 147,6 million birlige ýetdi.
Canalys seljeriş kompaniýasynyň maglumatlaryna görä, Apple 2024-nji ýylda 56,9 million planşet satdy we bu dünýä bazarynyň 38,6 %-ini emele getirdi.
Samsung 27,8 million satuw we 18,8 göterim paý bilen ikinji ýeri eýeledi. Huawei 10,74 million planşet iberip, bazaryň 7,3 göterim paýyny aldy. Lenovo 10,42 million enjam iberip, 7,1% paýa eýe boldy. Xiaomi 9,2 million planşet satmak bilen, paýy 6,2 % bolup, ilkinji bäşligi jemledi.
Xiaomi-niň ösüşi aýratyn-da göze ilýär, kompaniýa geçen ýyl iň täsirli ösüşini 73,1%-e ýetirdi. Bu oňa Amazon we Fire planşetlerini ilkinji bäş planşet öndürijisiniň hataryndan gysyp çykarmaga mümkinçilik berdi.
Canalys-iň seljerijileri dünýäniň kompýuter bazarynyň täzeleniş sikliniň planşetlere bolan islege oňyn täsir edendigini bellediler. Bu enjamlara korporatiw isleg 2025-nji ýylda artar, ahyrky sarp edijilere iberilmegi bolsa azalar diýlip garaşylýar.
