Apple 2007-nji ýylda ilkinji gezek çykandan bäri häzire çenli iPhone satuwyndan 2 trln dollardan gowrak girdeji gazandy. Smartfon kompaniýanyň esasy ösüş hereketlendirijisi bolup, oňa güýçli ekoulgama öwrülmäge we dünýä bazarynda öňdebaryjy orunlary eýelemäge mümkinçilik berdi diýip, TechGaged habar berýär.
2024-nji ýylda kompaniýanyň bu esasy önüminden dünýä boýunça smartfon eýeleriniň 21%-i ulandy, işjeň ulanyjylaryň umumy sany bolsa 1,38 milliarda ýetdi. Geçen ýyl iPhone satuwy kompaniýa 201,1 mlrd dollar girdeji getirdi, bu hem 2,03 trln dollar umumy satuw görkezijisine ýetmäge mümkinçilik berdi.
iPhone-yň iň ýokary satuwy 2022, 2023 we 2024-nji ýyllarda hasaba alyndy. Rekord 2022-nji ýylda, girdeji 205,5 mlrd dollar bolanda goýuldy. 2023-nji we 2024-nji ýyllarda satuw 200 mlrd dollar derejesinde saklandy. Bu ýyllarda kompaniýa umumy iPhone girdejisiniň 40%-den gowragyny gazandy, bu 800 mlrd dollardan gowrakdyr. Kompaniýa bu döwürde 900 mln töweregi gurluş satdy, bu dünýäde häzire çenli satylan smartfonlaryň, takmynan, 15%-ine deňdir.
