Tankytçylaryňam tankytlamaýan filmleri: «Critics Choice 2025» baýragynyň ýeňijileri yglan edildi

Kaliforniýada «Critics Choice» (Tankytçylaryň saýlawy) baýragynyň 30-njy gowşurylyş dabarasy geçirildi.

Kino synçylary 2024-nji ýylyň iň gowy filmlerini we seriallaryny saýladylar.
Baş baýrak – «Iň gowy film» baýragy Şon Beýkeriň «Anora» (Анора) filmine berildi.
Kinematografiýa boýunça nominasiýalarda iň köp baýragy alanlar gorky filmi «Substansiýa» (Субстанция) hem-de «Zalym» (Злая) we «Emiliýa Peres» (Эмилия Перес) atly aýdym-saz filmleri boldy. Seriallaryň arasynda bolsa «Sýogun» (Сёгун), «Hileler» (Хитрости), «Sugun çagasy» (Оленёнок) we «Pingwin» (Пингвин) üstünlik gazandy.

Esasy nominasiýalaryň ýeňijileri:

• ·Iň gowy film: «Anora» (Анора)
• ·Iň gowy režissýor: Jon M. Çu – «Zalym: Günbataryň jadygöýi barada erteki» (Злая: Сказка о ведьме Запада)
• ·Iň gowy aktýor: Edrian Broudi – «Brutalist» (Бруталист)
• ·Iň gowy aktrisa: Demi Mur – «Substansiýa» (Субстанция)
• ·Iň gowy kömekçi aktýor: Kiran Kalkin – «Hakyky agyry» (Настоящая боль)
• ·Iň gowy kömekçi aktrisa: Zoi Saldana – «Emiliýa Peres» (Эмилия Перес)
• ·Iň gowy original ssenariýa: «Substansiýa» (Субстанция)
• ·Iň gowy uýgunlaşdyrylan ssenariýa: «Konklaw» (Конклав)
• ·Iň gowy aktýorlar topary: «Konklaw» (Конклав)
• ·Iň gowy daşary ýurt filmi: «Emiliýa Peres» (Эмилия Перес) – Fransiýa
• ·Iň gowy animasiýa filmi: «Ýabany robot» (Дикий робот)
• ·Iň gowy komediýa (deňme-deň): «Dedpul we Rosomaha» (Дэдпул и Росомаха) we «Hakyky agyry» (Настоящая боль)

Iň gowy seriallar:

• ·Iň gowy dramatiki serial: «Sýogun» (Сёгун)
• ·Iň gowy dramatiki serial aktýory: Hiroýuki Sanada – «Sýogun» (Сёгун)
• ·Iň gowy dramatiki serial aktrisasy: Keti Beýts – «Metlok» (Мэтлок)
• ·Iň gowy komediýa serial: «Hileler» (Хитрости)
• ·Iň gowy komediýa serial aktýory: Adam Brodi – «Muny hiç kim islemeýär» (Никто этого не хочет)
• ·Iň gowy komediýa serial aktrisasy: Jin Smart – «Hileler» (Хитрости)
• ·Iň gowy mini-serial: «Sugun çagasy» (Оленёнок)
• ·Iň gowy mini-serial/telefilm aktýory: Kolin Farrell – «Pingwin» (Пингвин)
• ·Iň gowy mini-serial/telefilm aktrisasy: Kristin Milioti – «Pingwin» (Пингвин)
• ·Iň gowy telefilm: «Rebel-Rij» (Ребел-Ридж)
• ·Iň gowy daşary ýurt serialy: «Kalmar oýny» (Игра в кальмара)