Xiaomi 15 Ultra-nyň garaşylýan satuwynyň öňüsyrasynda Hytaýyň sosial ulgamlarynda geljekki smartfonyň iki reňkdäki dizaýnyny görkezýän surat peýda boldy. Onuň stili professional Leica kameralaryndan ylham alýar diýip, Gizmochina ýazýar.
Smartfonyň Leica M11 uzakdan ölçeýji kamerasyna meňzeş, iki reňkli kümüşsöw-gara reňki bar. Korpusy, megerem, aýnadan we deriden ýasalan bolsa gerek.
Arka tarapynda enjamyň ýokarky ýarysyny tutýan ullakan tegelek kamera moduly bar. Modulyň içinde gerdejik görnüşli LED fleş, Leica nyşany we periskop telefon kamerasyny hem öz içine alýan dört kamera bar. Batareýanyň mümkin bolan kuwwatynyň 6000 mAh-dygyny göz öňünde tutsak, enjamyň agramy 200 gramdan ýokary bolup biler.
Leica nyşanynyň aşagyndaky “LEICA VARIO-SUMMILUX 1: 1.63-26 / 14-100 ASPH” diýen ýazgy Xiaomi 15 Ultra kamerasynyň jikme-jikliklerini açýar. Flagman öňküsi ýaly f / 1.63 esasy kamera diafragmasy bolan Leica Summilux obýektiwini alar.
Periskop teleobýektiwiniň f / 2.6 diafragmasy, 100mm ekwiwalent fokus uzynlygy, f / 9.828 täsir diafragmasy we 26,4mm fiziki fokus aralygy bolar. Ultra giň burçly obýektiwiň fokus aralygy 14 mm bolar.
Xiaomi 15 Ultra 28-nji fewralda Hytaýda Xiaomi SU7 Ultra awtoulagy bilen bilelikde tanyşdyrylar diýlip garaşylýar.
